සුචරිත පොලීසිය ගැන අපට මුලින්ම අසන්නට ලැබෙන්නේ උපාහාස කතා රචක ටී.ජී. ඩබ්ලිව්.ද. සිල්වා ගේ කාකද්වීපයේ කතන්දර වලය. කාකද්වීපයේ ප‍්‍රබන්ධයක් වශයෙන් පැවති සුචරිත පොලිසිය අද ලංකාද්වීපයේ යථාර්ථයක් බවට පත් වී ඇත.
පුරවැසියන්ගේ ආරක්ෂාව වෙනුවෙන් සබ්බ සකල මනාව ම තහනම් කරමින් පවතී. ? දහයෙන් පසු සංගීත සංදර්ශන තහනම් ය; පාරේ සිඟරට් බීම තහනම් ය; ආණ්ඩු අකමැති වෙබ් අඩවි වලට පිවිසීම තහනම්ය; ආණ්ඩු අකමැති ජ්‍යොතිෂ්‍ය අනාවැකි කීම පවා තහනම් ය.මේ තහනම් අතරට පැමිණීමට නියමිත අළුත් ම තහනම වනාහි ‘ වැඩිහිටියන්ට පමණයි’ යන ලේබලය යටතේ පැමිණෙන චිත‍්‍රපට තහනම යි. දෛවයේ සරදමට මෙන් සංස්කෘතිය බාර ඇමති දෙබාන මේ තහනම ප‍්‍රකාශ කර තිබුණේ ‘ටොප්ලස් ’ සුරූපියන්ගේ බිතු සිතුවම් ඇති සීගිරියේදී ය.
මේ චිත‍්‍රපට තහනම් කරන්නට යන්නේ බාල පරපුර රැක ගැනීමේ චේතනාවෙන් යයි කියනු ලැබේ. චිත‍්‍රපට වැඩිහිටියන්ට පමණයි යනුවෙන් වර්ගීකරණය කොට තිබෙන්නේ, එය බාලයන් සඳහා සුදුසු නොවන නමුත් වැඩිහිටියන්ගේ පරිභෝජනයට සුදුසු බැවිනි. ළමයින් බලන නිසා වැඩිහිටියන්ගේ චිත‍්‍රපට තහනම් කරන ඇමතිවරුන් සිටින රටක ඉදිරියට වැඩිහිටියන්ගේ තව මොන මොනවා තහනම් කරනු ඇත්දැයි දන්නේ උඩ සිටින දෙවියන් පමණකි.
ලංකාවේ කලාකරුවන්ගෙන් අප අසන්නේ එක ප‍්‍රශ්නයකි. අදහස් ප‍්‍රකාශ කිරීමේ නිදහසට මෙසේ වැට බැඳීමට විරුද්ධ වීමට ඔබ සූදානම් ද ? ඔබ හා එක් ව සටන් කරන්නට ‘නිදහසේ වේදිකාව’ සුදානම්ය.
1 comment:
pls contact me
service@lankantunes.com
Post a Comment